 １）你的入行經過是怎樣？
我最初是做臨時演員同特約的，後來考入(1977)麗的電視第三期藝員訓練班，主要老師有鍾景輝先生、陳有后老師及彭永才先生。畢業後便簽約麗的電視，第一份重要角色便是扮演「唐X鴨」。
２）為何會選擇當演員？
(1) 受我祖母影響最大，八歲起便日日要我睇早場，令我無厘頭鍾意左演戲。
(2) 覺得人生如戲，戲如人生。
(3) 演戲駕輕就熟，工作上無壓力，既可自認藝術家，又可搵食。
３）演藝生涯中，最難忘的是什麼？
(1) 全港業餘戲劇比賽取得最優異演員獎
(令我興奮左大半世，真係好好玩架！有機會我都建議你一定要試下！)
(2) 編劇比賽取得最佳故事銀獎。
(3) 自編自導自演的實驗電影比賽(獎金有十多萬)唔入圍，害埋D老友記,三萬元本錢全部泡湯。
４）演藝生涯中，最喜歡哪一個曾擔演的角色？
有得擔演一定鍾意的。其實在好久遠的年代我都演過唔少錄影帶同電視劇，不過最鍾意係演港台「警訊」同「繩之於法」中的騙徒、壞人，令人有一種很亢奮的感覺(呢樣最好唔好試)。電影角色方面鍾意「夜半1點鐘」
(屯門快相)裏面的警官上師啦，「九品芝麻官之白面包青天」既打更佬啦……
５）你在工作之外的嗜好是什麼呢？
唉！嗜好仍然係睇電影同電視,有時會睇吓書。
６）你在圈中較為熟絡的藝人（老友記們）有哪幾位？
最近很開心，認識了谷爺爺
(谷峰)他人真是好得沒話說，又慈祥，又肯指導後輩，跟他一起工作真是一種享受呢！
７）你可以提供一張日常生活照給我嗎？（不是劇照呢）
後補可以嗎？因為己經夜深了，不想驚動家裏的人，否則要我即刻上床訓覺。
８）有什麼說話想跟電視觀眾／網友講呢？
首先好感激你花咁大精神做呢個網站，希望你繼續努力。
更加希望其他網友睇到好既電影，可以寫吓影評介紹下！
|
